طبعا يا جماعه احنا عارفين ان الجواز مافيش احسن منه
بس الكلام ده فى اول سنه او سنتين
بعد كده بيبدأ الغم والنكد وباستمرار
عشان كده هنحاربهم بنفس السلاح
وهننكد عليهم عيشتهم عشان يا يتعدلو
يا يخبطو دماغهم فى الحيط
والله ياسيدى لو لقيتها ماشيه معاك كويس ماتفتريش عليها ده مخلوق رقيق بردو
انما ساعت ما تحس ان المخلوق الرقيق ده اتحول لمولد عكننه
اسمع النصائح دى واشترى منى
1. انت صاحى الصبح ورايح الشغل وهى نايمه وقع اى حاجه على الارض
شغل الغساله بدون داعى المهم انك تصحيها
هتلاقيها قايمه طبعا مخنوقه ((اخنق عليها اكتر )) قوللها قومى اعملى الفطار
ماهو مش هيبقي نكد وجوع كمان
2. طبعا يوم الجمعه مافيش عندك شغل هل هتسيبلها الفرصه انها تقوم من النوم براحتها
وبعدين تبدأ السينفونيه
لا يامعلم عيش واعملك سندوتش جبنه بس تراعى الشروط دى فى تجهيزه :
استعمل مالا يقل عن 15 طبق واكبر كميه ملاعق وشوك و5 حلل و 10 كوبيات
ومش هوصيك على السمنه اللى هتوقعها على الارض والتلاجه اللى هتسيبها مفتوحه
3.طبعا فى عيد ميلادها مناسبه غير عاديه
اعملها التورته وحط فى التورته 50 شمعه مع انها عندها 21 سنه بس
4.اكيد بقي هتسمع منها انها عملت ريجيم
اول ماتسمعها بتقول الكلمه دى تجرى على السوبر ماركت وتملا التلاجه شوكلاته وحلويات
ودايما تجول قدامها وانت بتاكل جاتوهات وبين ليها انك مستمتع بطعمه
5.ولابد من رأيك فى طبيخها يعنى لو عامله ملوخيه قولها حلوة اوى الباميه دى
ولو عامله لحمه قوللها حلوة اوى الفراخ دى
ويا سلام لو عملت كيكه وانت تقولها انا بحب اشرب شاى مع البسكوت
6. طبعا لو ربنا هداها وقالت هتنضف الشقه طبعا ماتبطلش تروح وتيجى فى الشقه
ويا سلام لو بتمسح الارضيه وانت تمشى كل شويه وتعك الارضيه
وتقولها انك رايح تجيب الجرنال او النضاره او انك حاسس ان التليفون هيرن كمان شويه
ويا سلام بقي لو تنعجعص وتطلب منها كوبايه ميه وهى طالع عنيها فى التنضيف
طبعا الكلام ده لو عملته يبقي انا ضمنت انى همشى فى جنازتك
لو كانت نكديه سيبلها البيت وامشى وريح دماغك
ياريت يكون الموضوع عجبكم
وطبعا مش هيعجب البنات
يللا ربنا يستر فى الردود
